Schön isch es gsi d’Fasnacht 2011. Wie immer sind die 3 scheenschte Däg vill z’schnäll verbii gange. Es isch e super Fasnacht gsi mit super Wätter (usser e bitz am Mittwuch, dr Petrus isch halt au druurig gsi, isch d’Fasnacht scho bald wider verbii). Aber sunscht het alles pässlet. Zämme fäggts halt und S’FASNACHTSFIEBER het uns packt gha vo A – Z !!

Au mir Combonischte händ zämme gfäggt ! Mit Schnitzelbangg obe drzue e 5 gang Menue, imbrovisiertem spiile, Fondue blausch am Donnstig am morge bim Märtplatz, Kinderfasnacht am Zyschtig bi prächtigem Wätter und durch all die 3 Däg mit vill Witz und Lacher.

Jetzt stoht no dr Bummel vor uns. Mir wärde am 2. Bummel – Sunntig in dr Stadt aa z’dräffe sii.

So und wenn de jetzt au mit uns e geili, luschtigi, witzigi, zämme fäggts Fasnacht erläbe wotsch, mir nämme no luschtigi Lüt und es würd uns freue au di bi uns begriesse z’dörfe !

Mir freue uns jetzt scho uf d’ Fasnacht 2012 wenns denn wider heisst am 27. Februar

MORGESTRAICH VORWÄRTS MARSCH !!!

EURI COMBONISCHTE

Happy Birthday Simon

So, ich dänk spötischtens jetzt hets uns alli packt….s’Fasnachtsfieber. Und wenn nit, denn hesch eidüdig öbbis falsch gmacht. Mir Combonischte hets packt. Es kribbelet im Buch, eim isch es fascht scho schlächt vo lutter kribbele. Alles stoht parat. S Kostüm isch verlüftet und glettet, d’ Blaggette isch am Kostüm, d’Larve lacht di a und seit fascht:”leg mi doch ändlich, aa ich will uf d’Gass!” S’ Instrumänt glänzt das es di bländet. Dr Countdown lauft es goht nümm lang nur no e halbs mol schloofe (wenn me überhaupt ka schloofe) bis es denn 4ri schloot und es heisst:

“MORGESTRAICH VORWÄRTS MARSCH !”

Mir Combonischte wünsche allne e ganz e schöni Fasnacht 2011. S’Wätter macht jo mit und somit ka jo nüt me passiere. Mir stimme uns ii hüt zobe bim Latärne ii pfiffe in dr Stadt uf e wunder schöni Fasnacht.

Es würd uns freue Di au emol uf dr Gass z’gsee und falls es DI denn packt und wotsch au emol e Fasnacht aktiv mit erläbe denn kasch di bi uns mälde via hompage sigs per mail oder im Gäschtebuech.

Jetzt sage mir numme no:    E SCHEENI FASNACHT !!!

EURI COMONISCHTE

de hesch scho drvo ghört, weisch aber nit so rächt was de drvo sellsch dängge, was isch es überhaupt, das FASNACHTSFIEBER? kumm mit uns mit…. und mir zeige dir was es isch S’FASNACHTSFIEBER! Due di doch bi uns erkundige, de wirdsch uns sicher gseh irgendwoh an dr fasnacht und sunscht mäld di eifach bi uns via hompage oder  e-mail. Mir wünde uns freue dir S’FASNACHTSFIEBER  und d’frau fasnacht vor z’stelle.

Hallo Fasnacht 2011

es goht gar nümm so lang und d’fasnacht 2011 stoht vor dr düür. me hett scho e blaggedde an dr jacke, überall laufe scho d’vorfasnachtsveranstaltige und scho bald göhrt me in dr umgäbig vo basel die erschte piccolo, trummle und guggemuusige dusse bi de marschproobe spiile. merksch es au, s kribbelet scho überall und es knischteret scho in dr luft wenn me an d’fasnacht dänggt.

au mir d combonischte stägge scho z’mitzt in de vorbereitige, unser wägeli bikunnt no e neue schliff, in unserem probekäller gänn mir alles, damits denn au guet döhnt an dr fasnacht, d’instrumänt wärde uf vordermaa brocht und s’kostüüm holt me scho langsahm us em käller zum verlüffte. doch doch es kunnt, es macht sich parat…. S’FASNACHTSFIEBER !!!!

Öb Pauke, Trumpete, Schlagzüüg, Posuune, Hörnli, Saxophon, Susophon, Bässli oder sunnschtigs Bläch: Mir sueche no Verstärkig für kommende Fasnachtsjohr 2011/2012.
Hesch e Instrumänt umestoh deheim? Denn packs ii und chumm eifach verbii. Jede Mäntig uf die 8i im Käller vo de Haanedropfer, Gärbergass 14 (im Ochsnersportgebäude 2. UG).

… Aggdivmitglieder mit (oder no ohni) Instrumänt.
Wenn’s dir gfallt bi uns, git sich dr Räscht fascht vonelläi…

Bisch luschtig, e Gladde und duesch gärn lache,
hesch Freud an dr Basler Fasnacht mit z’mache?
Vereinslääbe, logger und doch mit Struggduur,
es herrscht aber no lang kei Diggdaduur.
Genau das findsch toll und macht der Spass,
an de drey scheenste Dääg Zoobe uf der Gass.

Jewils am Mäntig dien mir üebe und häns glatt,
vo 8 bis 10 z’mitzt in dr Stadt.
Im Käller vo de Haanedropfer düen mir uns empfähle,
in dr Gärbergass näbem Ochsner chasch es fascht nit verfähle.

Wenn Inträsse hesch denn mäld di glyy,
eifach s’Formular usfülle und scho bisch drbyy.
Oder schigg is e Email mit e paar Wort,
und mir mälde uns fyr e Träffe vor Ort.

Zuegäh, d’Qualität lost z’wünsche übrig. Isch halt mit somene Eifoon gföttelet worde. Die richtig guete Fötteli chömme denn nach dr Fasnacht.

 Mäntig 14.03.2011:

am nomidag luege mir dr cortège irgendwoh entlang vo dr route. (merkmal, mir händ unseri kostüm aa)

zobe isch abmarsch richtig stadt bim restaurant golden gate. ca. am halber 9ni. mir wärde uf verschiine plätz im gross oder klaibasel a zdräffe si mit platzkonzärtli. (merkmal, combonischte marsch und unseri fahrbahri bar)
Zyschtig 15.03.2011:

am nomidag mache mir an dr kinderfasnacht mit (merkmal, unser wägeli isch au wider drbi)

zobe wie am mäntig.
Mittwuch 16.03.2011:

am nomidag simmer wider am cortège luege, irgendwo wo d’route dure goht. (merkmal, mir händ unseri kostüm aa)zobe isch abmarsch vor em rhyfälderhof im glaibasel. Wenn, wüsse mir noni, mir gniesse zerscht d’schnitzelbängg.

aber denn simmer wider uf dr gass bis zum ändstraich uf verschiidene plätz im gross und glaibasel. (merkmal, mir händ unseri fahrendi bar wider drbi und au dr combonischte marsch diemer wider spiile.)