Schnitzelbangg  -  Alles isch anderscht (2022)

Dezämber 2019 und es sone Käfer goht umme,

E schissdräck, esone eifältig dumme.

Alles isch parat, s’Kostüm hängt am Bügel,

Mr freue nis so, bald bekömme mr d’Fasnachtsflügel.

Schlagzüg, Pauke, Posuune, Trompete und dr Bass si glänze,

s’isch fertig jetzt ufem Sofa ummeligge und fulänze.

Nonemol d’Larve kontrolliere, sitzt alles au wirglig perfekt?

Dr Routeplan isch gschriebe, Beize reserviert, dr Plan isch usgheckt.

Und denn…, e Donnerschlag, e Gwitter, e Blitz, es goht durch Mark und Bei,

Dr Käfer isch jetzt also au in Basel dehei.

D’Frau Fasnacht cha das Johr nid cho me hets ere verbotte,

Anstell vo Ihre het me derfür d’Regierig ufbotte.

Die git jetzt dr Takt a und schwingt dr Tambourmajorstäcke,

Für alli Fasnächtler hinterlossts im Härz e riese grosse Flägge.

Will die seit nämmlig 1 Wuche bevors sott los go,

alli Gugge, alli Clique, und au Wääge mien bliebe stoh.

D’Fasnacht 2020, si findet nid statt,

und das finde mr also alles andere als glatt.

Und Jetz,  am 2. März mir träffenis bim Fasnachtsbrunne,

ohni Kostüm, ohni Larve und d’Träne sind über d’Bagge grunne.

E Glas Wisse söll d’Stimmig wieder ebitz heebe,

und statt z’musiziere, diemer halt jetzt e biteliz reede.

Mit lala, hmmhmm und trämträm stimme mr unseri lieder a,

und nämme Kurs ufs Küchlin grad näbe dra.

Trotz däm schlächte Bigschmack hämmers dört luschtig,

und nämme no e Dessert, hmmm wie gluschtig.

Mir sitze am Tisch «Tutti mundi»,

aber eine fählt no in dere Rundi.

Dr Combolino, wo isch er denn, wo steckt er au?

Dr Präsidänt zeigt en uns und mir wirds flau.

Immene Holzkischtli liggt er schön bettet, mit Räppli deckt,

und denn goht mr e Liechtli uf uns ich has checkt.

Mehr miemer derzue nümmi sage,

er liggt jetzt nämmlig im Rhy begrabe.

èPAUSE, MR NÄMME EIN

Truurig hämmer miesse ins 2021 starte,

will au dört hämmer wieder miesse uf d’Fasnacht warte.

Dorumm simmmer im Summer zämme cho,

und hän zerscht emole eine gno! (Glas heben)

E neue Präsi het miesse ahne,

Heilanddonner und Nunte Fahne!

S’Blatt het sich gwändet und d’Gsichter hän afo strahle,

Dr Levin wott jetzt nümm si Fasnachtsbiitrag zahle.

Er will zu 100% e Combonischt wärede,

und mir nämmenen härzlich uf in unseri Härde.

Vieli Ideeä spruudle us uns uuse,

und vor lutter chönne mr Znacht nümme pfuuse.

«Ich versteh die Frage nicht», denn

D’Combonischte schriebe ab jetzt e neui Gschicht.

«und wenn sie nicht gestorben sind, dann leben sie noch heute»,

doch die Gschicht goht hütte grad witter, Leute!

Neui Lieder wärde gschriebe, es wird düfftlet und komponiert,

es lauft bi uns wie gschmiert und bestehendi Kläng wärde neu harmoniert.

Im Skylla in Eptige simmer igruggt zum no schliffe,

aber eine isch nit umme um no z’riffe.

Er sitzt fescht in Indie mitem Omikron

Statt mit uns z’Probe mitem Sousaphone.

Nach duredängtem Plan vom Musikchef em Pedro

Hämmer eins und eins zämmegsetzt wie mit de Lego.

Dr Schlag heckt sogar no e neue Marsch us,

Kornel, 5678, kunnsch jetzt ändlich druss?

Alli sind bi beschter Luune und voll derbi und dra,

hey…..»finke na, finke na….

Wills so geil isch hämmer grad wieder buecht,

und im Herbscht wird die Hütte grad wieder bsuecht.

èMr nämme eine!

 

Dr Schuss isch duss und jetzt isch Schluss!

Am 9. Februar 2022, kunt die Nochricht wommer lang hän miesse druf warte,

und ich schrei ganz lut uuse i mi Garte,

Achtung, Fasnacht, Vorwärts Marsch – Corona, läck mr doch am Arsch!

Jetzt heissts ind Hoose, organisiere, schalte und walte,

Läck git das viel z’tue … , Alte!

Now we  have the salad and now with us is not good cherry eating,

we hold it in our head not out and some bring us up the palmtree.

And now we make you legs, and don’t go me on the alarm clock !

Schwätz kei Bläch and tell me no cheese,

Hey und  los mi jetzt in Ruhe, please!

èMr nämme eine!

 

Hey Leute jetzt stömmer do, z’Basel a mim Rhy,

und weisch was, mir sind alli voll derbi.

Mir sind kei sinkends Schiff dear Wellerman

Drum bisch au du do. unsere allerliebschte Fan.

E andere Bites the dust,

macht nüd, hauptsach s’passt.

Jä passts no? Goht’s no, Bisch parat?

Es goht jetzt denn grad los,

me kört nämmlig scho d’Piccolo uf dr Stroos.

Morn churz vor de 4ri am morge,

sin si ewäg die grosse Sorge,

denn mir sage nämmlig «tschüss» Covid

9-10-9-8-7-6-5-4-3-2-1

LATERNE geht an!

PROScht uf d’Fasnacht 2022