Passivmitgliedschaft

Jede Rappe zellt! Aber nid nur dr Rappe zellt, sondern au DU als unsere Fan und treue Begleiter!

Uns gits scho sit em Joor 2009! Fascht scho antik! Wow, isch das e spannendi und tolli Zyt gsi wo mr bishär hän dörfe zämme erläbe!
Au das Johr hän mr wieder viel vor und plant. Zum Bispil wird's wieder neui tolli Lieder geh und mir wärde an divärse Vorfsasnachtsverastaltige unser Könne zeige!

Jede Donnstig träffe mr uns zum gmeinsame musiziere vo neue Lieder sowie guete, alte Combo Klassiker. Au das mol starte mr wieder mit viel Elan ins neue Joor und sind voller Motivation und Tatedrang.

Aber logischerwis sin mir nid nume erfolgrich am Probe, mir hän au no divärsi Events und Zämmekünft ufem Plan. Zum Bispil könne mr dr Summergill (GV) sowie unser Probeweekend im Herbst kum erwarte! Und notürlich au unser Support Event vo de letschte Johre wo mr miteme UNO Spielobe eröffnet hän!

Passivmitgliedschaft
Hesch luscht uns miteme fixe Bitrag z unterstütze? Denn sich das kei Problem!

Wottsch and Generalversammlig (ohni Stimmrächt), Events, Festli, Bummel etc. z koh aber wottsch nid (oder villicht nonig?) e Instrumänt spiele denn bisch bi dr Passivmitgliedschaft genau richtig. Dr Betrag für d Passivmitgliedschaft isch CHF 50.00 pro Johr.
(Bitte Passivmitgliedschaft bi dr Banküberwisig vermerke)

Mir freue uns riesig di bi uns als Combonischte Passivmitglied begriesse z dörfe!

Basellandschaftliche Kantonalbank BLKB, IBAN CH08 0076 9437 5926 7200 1

Anschrift: Combonischte, Claudine Freudiger, Spichermattstrasse 1, 4573 Lohn

Twint: